Stu percorsu cumencia da Casamozza, à meziornu di Bastia, passa pè Fulelli, Moriani, Cervioni, Bravona, Aleria, Ghisunaccia è Sulinzara versu Purtivechju.
Hè statu compiu in trè tappe, da u nordu à u sudu. U primu troncu da Bastia à Ghisunaccia ghjera statu apertu lu 17 di ghjugnu di lu 1888, à 4 mesi appena da l’apertura di a linea Bastia – Corti.
In vece u secondu troncu fin’à Sulinzara ghjera statu messu sulamente quarant’anni dopu, lu 15 di settembre di lu 1930.
|
|
In quant’à a terza parte è cun ella l’inseme di a linea fin’à Purtivechju, ghjera stata aperta u 21 di settembre di lu 1935.
Ma appena 8 anni dopu, in la seconda guerra mundiale, issa linea sparisce.
Hè stata distrutta di settembre di lu 1943 cù u ritiru di e truppe tedesche chì fecenu scuppià i 18 ponti più impurtanti venendu da a Sardegna, à traversu a Corsica, andendu versu u nordu di l'Italia.
Dapoi tandu, i ponti distrutti ùn sò stati mai più rialzati è i binari in vece smuntati.
|