Qualchì volta, si pò ancu oghje scuprì l’antichi vagoni di sta linea urientale.

Sopr'à un pratu, assai luntanu da una piccula strada in parallelu à a D17, à u sudu d’Alistru, à circa 2 chilometri da li vechji binari, si pò vede un carru-bestiame adupratu oghje pè pusacci u fenu.

U vagone sanu hè fabricatu in acciaghju finu è cupertu da un tettu fattu in arcu di metallu.

Trà l’appoghji verticali sò fissati tavulacci di legnu.

In mezu, pè a lunghezza, ci hè una porta scanalata frà duie finestre alte cù picculi scurini ancu elli in legnu.

In a facciata fruntale, pudemu rimarcà chì i vagoni di a stretta linea ferruviaria di a Corsica sò stati dutati di un ammurtizadore centrale.