Fermanu sempre assai casamenti chì, riguardu à u so aspettu è à e situazioni oghjinche, lascianu crede ch'ellu si tratta d'antiche gare di fermata o case di guardiebarriere.
Spessu, in e stazioni, è vicinu à e gare, si trova in listessu modu una seconda o terza casa induve campavanu l’impiegati o induve ci era un dipositu-magazinu.
Quasi tutti issi casamenti si cumponenu di dui piani è sò pruvisti di finestre abbastanza grandi, à l'incuntrariu di a tradizione corsa.
|
|
Cum'è particularità, ci truvemu un fornu pè coce u pane eppo un casgile in un palazzu, oghje in ruina, vicinu à a gara di Lecci.Di a gara di Prunete-Cervioni, fermanu solu i muri d'appoghju, è oghje, nentru à elli, ci hè un stazzu.
A maiò parte di i casamenti sempre in bonu statu sò aduprati oghje à modu privatu, dapoi a so rinnuvazione, cum'è per esempiu e gare d’Arena-U Viscuvatu, Alistru, Bravona, Tallone, Aleria (chjamata «Maison de fer» da u so pruprietariu), Ghisunaccia è Lecci.
|