E vistighje più evidente di l’anticu trenu di a costa urientale sò i ponti è i so pezzi chì traversanu assai fiumi di sta costa.

I ponti più grandi sò stati fatti cù una cumbinazione di petre pè e rampe è i piloni, è d’acciaghju pè e parte centrale. I più picculi, in vece, cù l’acciaghju massichju.

In generale, sti ponti sò stati dutati di stazione di pumpamentu di l’acqua pè a so custruzzione.

A traversa sopr'à Bravona, fiume d’impurtanza assai, fatta trà l'antiche stazione di Bravona è Tallone nantu à Aleria, ghjè fatta cù dui ponti unu dopu l’altru, cù una data di custruzzione intornu à lu 1886.

U ponte principale sopr’à u lettu di u fiume ghjè in acciaghju fatt’à graticula, ben cunservatu.

Andendu un pocu più à monte, si trova un ponte longu è piattu cù doppie travicelle d’acciaghju, cum'è passaghju pè inundazione pussibule.

In la parte trà Ghisunaccia è Sulinzara si n’alzanu dui ponti in acciaghju in mezu à un paesaghju assai bellu, traversendu i letti di i fiumi Abbatescu è Travu.

St'ultimi sò stati custruiti in lu 1925 da l’Entreprise Dayde di Parigi, è ci ne dà ancu oghje testimunianza una piazza « ETABLISSEMENTS DAYDE PARIS – 1925 » posta à l'estremità di i ponti.

St’antichi ponti ferruviari servenu oghje pe’ fà passà u trafficu stradale.